मी सदैव तुमच्या सेवेसाठीच : माजी गृह राज्यमंत्री आमदार संजय बनसोडे
शेतक-यांच्या मदतीसाठी रस्त्यावर उतरणार
जळकोट : उदगीर - जळकोट विधानसभा मतदार संघाचा मी आमदार म्हणून निवडून आल्यानंतर एकट्या जळकोट तालुक्यासाठी जवळपास ८०० कोटी रुपयाचा निधी दिला असून यामुळे या तालुक्याचा सर्वांगीण विकास होत आहे. गेल्या अडीच वर्षाच्या काळात विविध योजनेच्या माध्यमातून ग्रामीण भागाचा विकास करण्याचा ध्यास बाळगून तालुक्यातील गावागावात विविध कामासाठी निधी दिला असुन यापुढेही मी सदैव तुमच्या सेवेसाठीच रात्रंदिवस काम करेन अशी ग्वाही माजी गृहराज्यमंत्री आ.संजय बनसोडे यांनी अतनुर येथील ग्रामस्थांना दिली.
ते अतनुर येथील जल जीवन मिशन अंतर्गत पाणी पुरवठा योजनेचा भूमिपूजन सोहळ्याप्रसंगी बोलत होते.
या कार्यक्रमास जळकोट राष्ट्रवादी काँग्रेसचे तालुका अध्यक्ष अर्जुन आगलावे, काँग्रेसचे तालुकाध्यक्ष मारोती पांडे , माजी उपसभापती बाळासाहेब मरलापल्ले, शिवसेनेचे तालुका प्रमुख संग्राम टाले,तहसीलदार सुरेखा स्वामी,गटविकास अधिकारी नरेंद्र माडेवार ,आतनुरचे सरपंच चंद्रशेखर पाटील , मंगरूळचे सरपंच मेहताब बेग, गजानन दळवे पाटील,उस्मान मोमीन ,संजय हसुळे पाटील,रामराव राठोड , आदी उपस्थित होते.
पुढे बोलताना आ.बनसोडे यांनी अतनुरचे सरपंच चंद्रशेखर पाटील यांची गावच्या विकासासाठीची धडपड पाहुन मी सदैव तुमच्या पाठीशी असल्याचे सांगून त्यांचे कौतुक केले. अतनुर गावाला निधी कमी पडू देणार नाही. त्यासोबतच या गावातील ज्येष्ठ नागरिकांसाठी संजय गांधी निराधार योजनेचा लाभ मिळवून देण्याच्या सूचना ही जळकोट तहसीलदार स्वामी यांना केल्या. शेतक-यांच्या प्रश्नासाठी मी पहिल्यांदा कृषी मंत्री सत्तार यांना निवेदन देवून मागणी केली होती. मात्र हे विरोधी पक्षाचे सरकार व मी राष्ट्रवादीचा आमदार असल्याने माझा मतदार संघ योजनेतून जाणीवपूर्वक वगळण्यात आला आहे मात्र मी शेतक-यांच्या सोबत आहे. तुमच्यासाठी मी रस्त्यावर उतरून आंदोलन करणार असल्याची ग्वाही यावेळी आमदार संजय बनसोडे यांनी दिली.
याप्रसंग अतनुर ता.जळकोट येथील विकास माध्यमिक व उच्च माध्यमिक विद्यायालय येथे मजल जीवन मिशन चे भूमी पूजन माजी गृहराज्यमंत्री तथा आमदार संजय बनसोडे यांच्या हस्ते विधिवत पूजन करून श्रीफळ फोडून करण्यात आले. यावेळी राष्ट्रवादी कार्यकर्ते व ग्रामस्थ मोठ्या संख्येने उपस्थित होते.
0 Comments